Geen jag sonder bewaring nie
Bewaring vorm ‘n kernpilaar van Bosveld Jagters.
Ons glo dat verantwoordelike en volhoubare benutting ‘n belangrike rol speel in die beskerming van Suid-Afrika se biodiversiteit, natuurlike habitat en wildlewe.
Die verantwoordelike jagter is daarom nie bloot ‘n gebruiker van ‘n natuurlike hulpbron nie, maar ook ‘n bewaarder daarvan.
Ons ondersteun verantwoordelike wildbestuur, habitatbewaring, opvoeding en die beginsel van volhoubare benutting tot voordeel van huidige én toekomstige geslagte.
Ons Bewaringsbeginsels
Volhoubare benutting – Natuurlike hulpbronne moet verantwoordelik benut word sonder om hul langtermyn voortbestaan te benadeel.
Habitat – Gesonde wildbevolkings is afhanklik van gesonde habitat.
Wildbestuur – Verantwoordelike wildbestuur moet op kennis, toepaslike praktyke en langtermynvolhoubaarheid gebaseer wees.
Etiese jag – Jagters het ‘n verantwoordelikheid teenoor die dier, grondeienaar, omgewing en breër gemeenskap.
Opvoeding – Bewaring begin by kennis.
Volgende geslag – Jongmense moet verstaan waarom verantwoordelike benutting en bewaring met mekaar verband hou.
